កំពង់ធំ៖ លោកងួន រតនៈអភិបាលខេត្តកំពង់ធំ បងប្អូនប្រជាពលរដ្ឋគ្រប់រូបដែលបានមក ចាក់វ៉ាក់សាំង ដុសជំរុញនេះវាមានសារៈសំខាន់ខ្លាំងណាស់ចំពោះអាយុជីវិតរបស់ពួកយើង ។
ការថ្លែងដូចនេះ លោកងួន រតនៈ អញ្ជើញបើកឲ្យដំណើរការចាក់សាំងដុសជំរុញជូនដល់បងប្អូនប្រជាពលរដ្ឋនៅក្នុងខេត្តកំពង់ធំ នៅមន្ទីរពេទ្យបង្អែកខេត្តកំពង់ធំ នាព្រឹកថ្ងៃទី០២ ខែធ្នូ ឆ្នាំ២០២១។
លោកងួន រតនៈបានលើកឡើងបន្តទៀត សូមក្រុមគ្រូពេទ្យ ការយកចិត្តទុកដាក់ ក្នុងការផ្ដល់វ៉ាក់សាំងជូនដល់បងប្អូនប្រជាពលរដ្ឋអោយបានទាន់ពេលវេលា។ ចំពោះបងប្អូនប្រជាពលរដ្ឋ បានទទួលព័ត៌មាន ចាក់វ៉ាក់សាំងដុសជំរុញ ប្រភេទ ស៊ីណូហ្វាក់ របស់ប្រទេសចិន នៅតាមមណ្ឌលសុខភាពក្នុងស្រុកក្រុងទាំង ៩ ខេត្តកំពង់ធំ ដូច្នេះសូមបងប្អូនរួសរាន់មកចាក់ទាំងអស់គ្នា ដើម្បីកាត់ដាច់ការចម្លងមេរោគ covid-19 ដ៏កាច់សាហាមួយ ឆ្លងឆ្លងចូលសហគមន៍យើងបន្តទៀត ។
ទន្ទឹមនោះដែរអភិបាលខេត្តកំពង់ធំបានធ្វើការអំពាវនាវដល់ មាតាបិតាគ្រប់រូបឱ្យបន្តការនាំចូលបុត្រាបុត្រីអាយុចាប់ពី ៥ ឆ្នាំមកទទួលការចាក់វ៉ាក់សាំងនៅតាមមណ្ឌលសុខភាព នៅក្បែរលំនៅដ្ឋានរបស់ខ្លួន ។ ហើយយើងមិនត្រូវភ្លេច នាំកូនតូចៗមកទទួល វ៉ាក់សាំងនោះទេ កុំបណ្តោយអោយពេលវេលាសោះ។
ប្រជាពលរដ្ឋបានលើកឡើងស្រដៀងៗគ្នាថា សម្តេចតេជោហ៊ុន សែនមិនទុកឱ្យពួកគាត់មានការឆ្លងមេរោគ covid-19 ឡើយ ។ សម្ដេចតែងតែគិតគូរសុខទុក្ខរបស់ពួកគាត់មិនថាពេលណា កាលៈទេសៈណាឡើយ ៕
