រថយន្តcamryមួយគ្រឿង បើកបរគេចរថយន្តធុនធំបញ្ច្រាសផ្លូវគ្នាបណ្តាលឲ្យជ្រុលធ្លាក់ផ្លូវចូលទឹកប្រឡាយ

(កំពង់ធំ)នៅថ្ងៃទី២០ ខែវិច្ឆិកា ឆ្នាំ២០២២នៅវេលាម៉ោង ១១:៣០នាទីថ្ងៃត្រង់ មានករណីរថយន្តម៉ាកcamry ពាក់ស្លាកលេខ កំពង់ធំ ២A-៧៣២៧ បើកបរដោយបុរសម្នាក់ បានជ្រុលធ្លាក់ផ្លូវចូលទឹកប្រឡាយបន្ទាប់ពីគេចរថយន្តធុនធំបញ្ច្រាសផ្លូវគ្នា នេះបើតាមសម្តីរបស់ប្រជាពលរដ្ឋដែលបានឃើញហេតុការណ៍នេះផ្ទាល់ ករណីនេះកើតឡើងនៅចំណុចផ្លូវអាស៊ាន ស្ថិតក្នុងសង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ ។

 សូមបញ្ជាក់ផងដែរថាករណីនេះមិនមានបណ្តាលអោយអ្នកណាម្នាក់រងរបួសឡើយ ដោយគ្រាន់តែមានការខូចខាតរថយន្តផ្នែកខាងឆ្វេងតែប៉ុណ្ណោះបច្ចុប្បន្នរថយន្តត្រូវបានរថយន្តស្ទូចចេញពីក្នុងទឹកវិញហើយ។ នេះជាព័ត៌មានបឋម។