Battambang: On this occasion, HE Sok Loo, Governor of Battambang Province, attended the 30th Anniversary of the Rehabilitation Project organized by the International Committee of the Red Cross (ICRC) at Battambang Regional Rehabilitation Center under the chairmanship of HE Sim Sothoun, Royal Government Delegate and Director of the Disability Fund and Representative of HE Vong Sous, Minister of Social Affairs, Veterans and Youth Rehabilitation, on the morning of November 22, 2022.
Rehabilitation programs help people with disabilities regain mobility, enabling them to live in dignity and play an active role in society.
នាឱកាសនោះ ឯកឧត្តម សុខ លូ បានមានប្រសាសន៍លើកឡើងថា ខេត្តបាត់ដំបងជាអតីតសមរភូមិក្ដៅគគុករវាងទ័ពខ្មែរក្រហម និងទ័ពរដ្ឋាភិបាល ដែលតែងតែប្រយុទ្ធគ្នាជាញឹកញាប់ និងជាខេត្តមួយដែលត្រូវបានកងទ័ពទាំងពីរភាគីបានដាក់គ្រាប់មីនរាប់លានគ្រាប់ ក្នុងការការពារសត្រូវរៀងៗខ្លួន ។
ឯកឧត្តមបានបន្តទៀតថា គ្រាប់មីន និងកាកសំណល់មិនទាន់ផ្ទុះពីសង្រ្គាមទាំងនេះ បង្កឱ្យមានជនរងគ្រោះជាច្រើនបាត់បង់ជីវិត និងខ្លះទៀតបង្កទៅជាពិការភាព ដោយអ្នកខ្លះត្រូវពិការដៃ ឬជើងជាដើម ដែលធ្វើឱ្យគាត់ទាំងអស់នោះពិបាកក្នុងការធ្វើបម្លាស់ទី និងបំពេញការងារ ឬមុខរបរផ្សេងៗផងដែរ ។
ឯកឧត្តមបានបញ្ជាក់បន្តទៀតថា អង្គការICRC បានបង្កើតមជ្ឈមណ្ឌលស្ដារលទ្ធភាពពលកម្ម ដើម្បីផលិតអវយវៈសិប្បនិម្មិតចែកជូនដោយឥតគិតថ្លៃដល់ជនរងគ្រោះដោយសារគ្រាប់មីន និងកាកសំណល់ជាតិផ្ទុះពីសង្រ្គាម និងជនងាយរងគ្រោះផ្សេងទៀត ព្រមទាំងសេវាសង្គមផងដែរ ដែលជាអង្គការមួយមានវ័យចំណាស់ជាងគេ ក្នុងចំណោមអង្គការជាច្រើន ដែលបម្រើការងារក្នុងវិស័យស្ដារនេះ ដែលបានចាប់ដំណើរការតាំងពីចុងទស្សវត្សរ៍៧០ ។
ឯកឧត្តម ស៊ឹម សុធន បានមានប្រសាសន៍លើកឡើងថា រាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃ និងប្រកបដោយគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានយកចិត្តទុកដាក់ខ្ពស់លើការផ្តល់សេវាសាធារណៈប្រកបដោយប្រសិទ្ធភាព ជាពិសេសការលើកកម្ពស់សុខុមាលភាព និងសេវាស្ដារលទ្ធភាពពលកម្មជូនជនពិការ។ ឯកឧត្តមបានបន្តទៀតថា នៅកម្ពុជា អង្គការ ICRC បាននឹងកំពុងជួយគាំទ្រដល់មជ្ឈមណ្ឌលស្តារចំនួន២គឺមជ្ឈមណ្ឌលស្តារលទ្ធភាពពលកម្មកាយសម្បទាខេត្តកំពង់ស្ពឺ និង មជ្ឈមណ្ឌលស្តារលទ្ធភាពពលកម្មកាយសម្បទាភូមិភាគខេត្តបាត់ដំបង។ ចំពោះមជ្ឈមណ្ឌលស្តារលទ្ធភាពពលកម្ម កាយសម្បទាភូមិភាគខេត្តបាត់ដំបងនេះគឺបានគ្របដណ្តប់សេវាកម្មចំនួនប្រាំខេត្ត និងបានផ្តល់សេវាជាច្រើនដូចជា សេវាស្តារលទ្ធភាពពលកម្មជូនជនពិការ បញ្ជូនជនពិការទៅទទួលការបណ្តុះបណ្តាលវិជ្ជាជីវៈ ជួយរកការងារឱ្យធ្វើការចូលរួមលេងកីឡា និងជំនួយជាសាច់ប្រាក់ដើម្បីបង្កើតអាជីវកម្មខ្នាតតូចជាដើម។ នេះសរបញ្ជាក់ឱ្យឃើញពីការយកចិត្តទុកដាក់របស់អង្គការ ICRC ក្នុងការជួយដល់ជនពិការនៅក្នុងប្រទេសកម្ពុជា ៕
